धेरै नेपालीहरू रोजगार अनुमति प्रणाली (EPS) मार्फत दक्षिण कोरियाका कारखाना, खेती र माछापालनमा काम गर्नुहुन्छ, र पढ्न जानेहरू पनि बढ्दैछन्। काम गाह्रो छ र भाषा नयाँ। तपाईं मसँग अनलाइन, नेपालीमै कुरा गर्न सक्नुहुन्छ।
दक्षिण कोरियामा रहेका नेपालीहरूले प्रायः भन्ने कुराहरू
- गाह्रो शारीरिक काम र लामो समय, प्रायः टाढाका कारखाना वा खेतमा
- काममा चोटपटक र भविष्यको चिन्ता
- भाषाको अप्ठ्यारो र कुरा गर्ने मान्छे कम
- कम्पनी बदल्ने, करार र भिसा थप्ने चिन्ता
- एक्लोपन र परिवारको याद
- उदास मन, एन्जाइटी, रिस, वा तनाव कम गर्न रक्सी बढी
समयको फरक
दक्षिण कोरिया वर्षभरि नेपालभन्दा ३ घण्टा १५ मिनेट अगाडि छ। सिओलको राति ९ बजे काठमाडौंमा बेलुकी ५:४५ हुन्छ।
शिफ्टपछि वा बिदाको दिन मिलाएर सेसन राख्न सकिन्छ।
दक्षिण कोरियामा बस्दा औषधिबारे
- दक्षिण कोरियामा मानसिक रोगका धेरै औषधि नियन्त्रित छन्, र केही प्रतिबन्धित छन्। आफूसँग ल्याउने औषधिको प्रेस्क्रिप्सन वा डाक्टरको पत्र राख्नुहोस्, र यात्राअघि नियम बुझ्नुहोस्। कोरियाका फार्मेसीलाई कोरियाकै डाक्टरको प्रेस्क्रिप्सन चाहिन्छ।
- नियम नबुझी औषधि बोकेर वा हुलाकबाट एक देशबाट अर्को देश नपठाउनुहोस्। औषधि चाहिएमा, मेरो मूल्याङ्कन र सल्लाहसहित त्यहाँको डाक्टरलाई पत्र लेख्न सक्छु, जसले त्यहीँ औषधि लेखिदिन सक्नुहुन्छ।
दक्षिण कोरियामा सहयोग
तपाईं खतरामा हुनुहुन्छ वा आत्महत्याको विचार आइरहेको छ भने अहिल्यै सहयोग लिनुहोस्:
- आपतकालीन र एम्बुलेन्स: ११९। प्रहरी: ११२
- आत्महत्या रोकथाम हटलाइन: १०९ (२४ घण्टा)
- विदेशी बासिन्दाका लागि बहुभाषिक २४ घण्टे परामर्श लाइन: १५७७ १३६६
- कोरिया ट्राभल हटलाइन १३३० ले दोभाषेसहित आपतकालीन सेवासँग जोडिदिन सक्छ।
दक्षिण कोरियाबाट अनलाइन सेसन कसरी हुन्छ
- WhatsApp मा (+९७७ ९८५१३४७५९१) म्यासेज गर्नुहोस्, र आफू दक्षिण कोरियाको कुन सहरमा हुनुहुन्छ बताउनुहोस्।
- तपाईंको शिफ्ट वा बिदाको दिन मिल्ने समय र भुक्तानीको जानकारी पठाइन्छ। नेपालमा रहेको परिवारले पनि तिर्न सक्छ।
- Google Meet को लिंक पाउनुहुन्छ। शान्त, एकान्त ठाउँबाट जोडिनुहोस्। इयरफोनसहितको मोबाइल भए पुग्छ।
- पहिलो सेसनमा पूरा मूल्याङ्कन हुन्छ। नेपालीमै कुरा गरेर हामी सँगै योजना बनाउँछौं।
धेरै सोधिने प्रश्नहरू
के म दक्षिण कोरियाबाट नेपाली मनोचिकित्सकसँग अनलाइन कुरा गर्न सक्छु?
सक्नुहुन्छ। दक्षिण कोरियामा रहेका नेपालीहरूसँग म Google Meet बाट नेपालीमै अनलाइन सेसन गर्छु। शिफ्ट वा बिदाको दिन मिलाएर समय तय गर्न सकिन्छ।
के मेरो कम्पनी वा मालिकलाई थाहा हुन्छ?
हुँदैन। तपाईंले भनेका कुरा गोप्य रहन्छ। तपाईंले लिखित रूपमा नभनेसम्म, वा कसैको ज्यान खतरामा नभएसम्म म कम्पनीलाई सम्पर्क गर्दिनँ।
के नेपालमा रहेको परिवारले तिर्न वा सेसनमा जोडिन सक्छ?
तपाईं चाहनुहुन्छ भने सक्छ। परिवारले Fonepay, eSewa वा Khalti बाट तिर्न सक्छ, र सेसनमा पनि जोडिन सक्छ।
आपतकालीन र सहायता नम्बरहरू सेप्टेम्बर २०२६ मा जाँच गरिएका हुन्। सेवा परिवर्तन हुन सक्छ, त्यसैले स्थानीय रूपमा पुष्टि गर्नुहोस्। अरू देशका लागि: विदेशमा रहेका नेपालीहरू।